لو سمحت يعنى ايه جرافيك وبسرعه عشان مش فاضى
تعالى أقولك ومتزعلش
مينفعش تبقا شغال فى مجال او حتى عايز تشتغل ومش عارف اساسيات
دول اقوى شركتين نتكلم عنهم لما تيجى سيره الجرافيك
نعرف الجرافيك مع بعض كد بس بسرعه عشان الوقت ومطولش عليكو
وليام أديسون دويغنز
الراجل دا سنه 1922 عرف الجرافيك بالجمع بين العناصر زى الكلمات والصور وألوان في صفحة واحدة بشكل يجذب النظر
فاحنا كدا هنتكلم عنك شويه بمعنى ازاى هتبقا محترف و مش عارف ازاى توظف نفسك.
تعالى كدا نقول انك فهمت كل حاجه فى الماكس والفوتوشوب وكمان الكاد طب ازاى هتشتغل يابن الحلال وانتا مش عارف ازاى تطلع حاجه نضيفه
بص يا سيدى المفيد عشان انا عارف انك فاضى وموركش حاجه حاول تبص على الحاجه من منظور تانى واتأمل وحاول تبعد عن الفيس بوك وانت شغال فى بروجكت معين وهبقا اتكلم عن الموضوع دا بعدين
تانينا يا سيدى مش معنى انى قولتلك بص للحاجه بمنظور تانى انك تربيلى شعرك وتمسكلى بايب لا والف لا
انا اقصد حاول يبقا ليك لمستك فى الشغل .. يعنى هنا هنرجع للى أسمو ايه وليام اديسون ان احنا بنجمع بين كلمات وصور والوان فى حاجه شكلها حلو يبان للناس بشكل نضيف مترتب ومش اى هبل وخلاص .
وتالتنا بقا هو الهدف بمعنى بص لقدام بمخك مش بعينك ...ركز فى الشغل اللى فى ايدك دا عشان اسمك بيبقا بحاجه اسمها سابقه اعمال .. يعنى اللى بيجيلك بعد ما تبتدى بيبص على شغلك القديم ويقيمك بيه .. فأتعب عشان سابقه اعمالك
رابعنا هو ركز فى مجال زى تصميم الطباعة أو الرسوم المتحركة الخ مش هعرفك شغلك :)
خامسنا اقرا كتير .. هعيدهالك (اقرا كتير) بس فى المجال اللى اخترتو
سادسنا ياريت مكنش طولت عليكو وربنا يوفقكو وياريت اكون افادنكو و شير فى الخير للى عايز ولو فى اى استشاره انا معاكو دايما ان شاء الله
استنونا قريب فى قناتنا على اليوتيوب لتعليم الماكس والفوتوشوب والكاد